Մարզպետի տեղակալ Աննա Մարտիկյանը շրջայց Է կատարել Գյումրիում հիմնանորոգված փողոցներում
Սուբվենցիոն ծրագրերի վերահսկողության մշտադիտարկման աշխատանքային խումբը Շիրակի մարզպետի տեղակալ Աննա Մարտիկյանի գլխավորությամբ Գյումրի համայնքի ղեկավարի տեղակալ Սուրեն Ջանոյանի, ոլորտային պատասխանատուների, տեխնիկական վերահսկողություն իրականացնող և կապալառու կազմակերպությունների պատասխանատուների հետ շրջայց են կատարել 2023 թվականի սուբվենցիոն ծրագրի շրջանակներում Գյումրիում հիմնանորոգված Ալավերդյան, Հ. Ավետիսյան, Թելման, Մատրոսով, Նիզամի փողոցներում։
Աշխատանքային խումբը շրջել է փողոցներում, ուսումնասիրվել են կատարված աշխատանքները: Աննա Մարտիկյանը նշել է, որ մարզպետի անմիջական հանձնարարականն է անել հնարավորը սուբվենցիոն ծրագրերում անգամ ամենափոքր թերություն չունենալու, եղածներն առանց ժամանակ կորցնելու վերացնելու համար։