Հնդկաստանը կարող է արգելել չինական ներդրումներն էլեկտրական մեքենաների արտադրության մեջ
Հնդկաստանի իշխանությունները կարող են թույլ չտալ չինական ուղղակի ներդրումներն էլեկտրական մեքենաների արտադրության ոլորտում: Այս մասին հայտնում է Business Standard թերթը՝ հղում անելով Հնդկաստանի կառավարության աղբյուրին:
«Հնդկական էլեկտրական տրանսպորտային միջոցների քաղաքականության մեջ ընդգրկված զիջումները, որոնք ուղղված են համաշխարհային արտադրողներին, ինչպիսին է ամերիկյան Tesla Inc-ն, կարող են չտարածվել չինական ընկերությունների վրա»:
Հնդկաստանն առայժմ թույլ է տալիս չինական մեքենաների ներմուծումը, սակայն չի ընդլայնի երկրում դրանց արտադրության ներդրումային հնարավորությունները:
Մարտին Հնդկաստանի կառավարությունը հաստատել է երկրում էլեկտրական մեքենաների արտադրության նոր քաղաքականությունը՝ նախապատվություն տալով Tesla-ին, Kia-ին, BMW-ին, Mercedes-Benz-ին և այլ համաշխարհային արտադրողներին: Այն նախատեսում է որոշակի էլեկտրական մեքենաների ներմուծման հարկերի նվազեցում այն ընկերությունների համար, որոնք պարտավորվում են երեք տարվա ընթացքում ներդնել առնվազն 500 միլիոն դոլար և կառուցել էլեկտրական մեքենաների արտադրության գործարան Հնդկաստանում:
Այդպիսի արտադրողներից հանրապետություն ապրանքների արտահանման մաքսատուրքերը 70%-100%-ից կնվազեն մինչև 15%։ Սա կգործի առաջիկա հինգ տարվա ընթացքում և կտարածվի Հնդկաստան ներկրվող 35000 դոլար արժողությամբ էլեկտրական մեքենաների վրա։
Աղբյուրը՝ b24.am