Շատ շուտով Երևանը կունենա իր բրենդը, որը կթելադրի քաղաքին ու երևանյան միջավայրին համահունչ նոր ոճ
Երևանի զբոսաշրջային ոլորտը զարգացնելու և հարմարավետ ու հյուրընկալ միջավայր ձևավորելու նպատակով համայնքը տարբեր նոր նախագծեր է դիտարկում: Երեւանի քաղաքապետ Տիգրան Ավինյանը հանդիպել է զբոսաշրջության ոլորտի ընկերությունների ներկայացուցիչների հետ՝ քննարկելու այն նախագծերն ու քայլերը, որոնք անհրաժեշտ են Երևանը, որպես գրավիչ զբոսաշրջային քաղաք դիրքավորելու համար:
«Այս համատեքստում, շատ շուտով Երևանը կունենա իր բրենդը, որը կթելադրի քաղաքին ու երևանյան միջավայրին համահունչ նոր ոճ և մոտեցումներ՝ տարբեր ոլորտներում»,- տեղեկացնում է Տիգրան Ավինյանը։