ԱՄՀ-ն 2017-ից ի վեր ԱՄՆ ներմուծման մեջ Չինաստանի մասնաբաժնի նվազում է արձանագրել

Չինաստանի մասնաբաժինը ամերիկյան ներմուծման մեջ 2017-2023 թվականներին նվազել է 8 տոկոսային կետով՝ երկու երկրների միջև առևտրային լարվածության աճի պատճառով: Այս մասին, B24–ի փոխանցմամբ, հայտարարել է ԱՄՀ գործադիր տնօրենի առաջին տեղակալ Գիտա Գոպինաթը:

«Չինաստանի մասնաբաժինը ԱՄՆ ներմուծման մեջ նվազել է 8 տոկոսային կետով 2017-2023 թվականներին առևտրային լարվածությունից հետո: Նույն ժամանակահատվածում ԱՄՆ-ի մասնաբաժինը չինական արտահանման մեջ նվազել է մոտ 4 տոկոսային կետով», – ասել է նա Կալիֆորնիայի Սթենֆորդի համալսարանում:

Պաշտոնյան նաև հիշեցրել է, որ «Ռուսաստանի և Արևմուտքի միջև ուղիղ առևտուրը փլուզվել է» ուկրաինական հակամարտության և հակառուսական պատժամիջոցների պատճառով: Նրա կարծիքով, այժմ կան «հատվածության աճող նշաններ»:

«Առևտրի և ներդրումային հոսքերը վերահասցեավորվում են աշխարհաքաղաքական ուղենիշներին համապատասխան», – նշել է ԱՄՀ փոխնախագահը:

Աղբյուրը`   b24.am