Դեղերի և բժշկական տեխնոլոգիաների փորձագիտական կենտրոնը ստացել է միջազգային հավատարմագիր

Դեղերի և բժշկական տեխնոլոգիաների փորձագիտական կենտրոնը ստացել է միջազգային հավատարմագիր, որի արդյունքում միջազգային փոխգործակցության լայն հնարավորություն է ստեղծվում կենտրոնի համար:

Ինչպես տեղեկացնում են Առողջապահության նախարարությունից, կենտրոնն այսուհետ կարող է ոչ միայն Հայաստանում գրանցվող դեղերի որակի վերահսկողություն իրականացնել, այլև` դեղերի միջազգային շուկայում:

Շուրջ 20 նորագույն սարքավորումներով ու լաբորատոր կահույքով է համալրվել կենտրոնը` համապատասխանելով դեղորայքային անվտանգության միջազգային չափանիշներին: