Գիտական և գիտատեխնիկական գործունեության ոլորտին ուղղվող պետբյուջեի ծախսերը աճել են 39.1%-ով․ ACSES

ACSES-ը՝ Սոցիալ-տնտեսական ուսումնասիրությունների հայկական կենտրոնը ներկայացրել է Պետական բյուջեի գիտության գծով ծախսերի կատարողականի վերլուծությունը․
2019-2023 թվականներին գիտական և գիտատեխնիկական գործունեության ոլորտին ուղղվող պետական բյուջեի ծախսերը աճել են 39.1%-ով կամ 6 միլիարդ 559 միլիոն դրամով։
Այնուամենայնիվ, վերջին տարիներին գիտության գծով պետական ծախսերը շարունակաբար թերակատարվում են։ Օրինակ, կառավարությունը ի սկզբանե նախատեսում էր 2023 թվականին գիտության ոլորտին հատկացնել շուրջ 36.3 միլիարդ դրամ, սակայն փաստացի ծախսել է 23.3 միլիարդ դրամ կամ շուրջ 36%-ով պակաս։
Այս թերակատարումը հիմնականում պայմանավորված էր ռազմական նշանակության հատուկ գիտահետազոտական և փորձակոնստրուկտորական աշխատանքների, և գիտական և գիտատեխնիկական թեմատիկ հետազոտությունների գծով ծախսերի թերակատարմամբ։