Պատասխանատու պաշտոնյաները դիտարկել են հեղեղումների հետևանքով վնասված բնակավայրերի ցանքատարածությունների և այգիների վիճակը
Լոռու մարզպետի տեղակալ Գոռ Ասրյանը, Էկոնոմիկայի նախարարության Գյուղատնտեսական ծրագրերի նախագծման վարչության պետ Իռա Փանոսյանը, Բուսաբուծության վարչության պետ Վարսիկ Մարտիրոսյանը, Լոռու մարզպետի աշխատակազմի պատասխանատու պաշտոնյաներ այսօր դիտարկել են հեղեղումների հետևանքով Տաշիր և Ալավերդի համայնքների, Շնող և Քարկոփ բնակավայրերի ցանքատարածությունների և այգիների վիճակը, կրած վնասի մասշտաբները:
Այս մասին տեղեկացնում են Լոռու մարզպետիաշխատակազմից։
Շրջայցի նպատակն էր հասկանալ ծագած խնդիրները՝ հետագա անելիքները կանխորոշելու համար:
