EasyPay. Հասանելի են ակնթարթային դրամական փոխանցումներ Ռուսաստանից Հայաստան «ФОРА-БАНК» հավելվածով
EasyPay ընկերության ու Ֆորա-Բանկի համագործակցության շնորհիվ հնարավոր են 0% միջնորդավճարով ակնթարթային փոխանցումներ Ռուսաստանից Հայաստան։ Փոխանցումները հնարավոր է կատարել «ФОРА-БАНК» հավելվածից easywallet հաշվին՝ մուտքագրելով ստացողի հեռախոսահամարը։
Ֆորա-Բանկի հավելվածից փոխանցում կատարելու համար անհրաժեշտ է՝
- սեղմել «Перевод по телефону» կոճակը,
- ընտրել easywallet,
- լրացնել ստացողի՝ easywallet-ում գրանցված հեռախոսահամարը,
- մուտքագրել փոխանցվող գումարի չափը և հաստատել փոխանցումը։
Փոխանցված գումարը անմիջապես հասանելի կլինի easywallet օգտատիրոջ հաշվին:
Փոխանցման նվազագույն գումարը 100 ռուբլի է, առավելագույնը՝ 150 000 ռուբլի՝ մեկ գործարքի կամ մեկ օրվա ընթացքում կատարվող գործարքների համար։ Մեկ հաճախորդի գործարքների ամսական սահմանաչափը 1 000 000 ռուբլի է՝ հաշվի առնելով տվյալ ծառայության միջոցով կատարված բոլոր փոխանցումները: Գումարի փոխանցման արժույթը ռուբլին է, ստացման արժույթը՝ դրամը։ Գործարքի համար միջնորդավճար չի գանձվում։
Ֆորա-Բանկից փոխանցումներ ստանալու համար անհրաժեշտ է ներբեռնել easywallet, գրանցվել և նույնականանալ, կցել բանկային քարտ կամ բացել անվճար բանկային հաշիվ հենց հավելվածում։
Աղբյուրը՝ b24.am