Freedom Holding Corp.-ը հայտարարել է 2024 ֆինանսական տարվա ռեկորդային ֆինանսական արդյունքների մասին

Միջազգային ֆինանսական հոլդինգ Freedom Holding Corp.-ը (NASDAQ: FRHC) ամփոփել է 2024 թվականի մարտի 31-ին ավարտված ֆինանսական տարվա արդյունքները: Freedom Broker Armenia-ն դրա մի մասն է, և այն նույնպես տպավորիչ արդյունքներ է ցույց տվել:

«Ուրախ եմ տեղեկացնել, որ ֆինանսական 2024 թվականը մեր ընկերության համար ռեկորդային տարի էր թե՛ հասույթի, թե՛ շահույթի տեսանկյունից։ Հիմնական բրոքերային և բանկային գործառնությունները կազմել են մեր հասույթի մոտավորապես 75%-ը տվյալ ժամանակահատվածում: Մենք շարունակել ենք մեր ռազմավարությունը՝ զարգացնելով ավանդական ֆինանսական ծառայություններ, հավելյալ ծառայությունները և հեռահաղորդակցության նոր դուստր ձեռնարկություն ունենալը: Մենք ավարտել ենք տարին՝ ունենալով հինգ ձեռքբերում՝ ընդլայնելով մեր արտադրանքի գիծը՝ ավելի բավարարելու մեր հաճախորդների պահանջմունքները խնայողությունների, ներդրումների, ինչպես նաև պարտադիր և հայեցողական ծախսերի հարցում», – նշել է Freedom Holding Corp․-ի հիմնադիր և գործադիր տնօրեն Տիմուր Տուրլովը:

Ֆինանսական 2024-ի ֆինանսական հաշվետվությունները ներառում են մոտավորապես 1,6 միլիարդ դոլար եկամուտ, ինչը 105 տոկոսով ավելին է, այսինքն՝ նախորդ ժամանակաշրջանի կրկնապատիկը: Միջնորդավճարների եկամուտն աճել է 35%-ով՝ հասնելով 440 միլիոն ԱՄՆ դոլարի՝ պայմանավորված մանրածախ բրոքերային հաճախորդների թվի աճով՝ 2023-ին 370,000-ից մինչև 530,000՝ 2024-ին, ինչպես նաև հիմնական շուկաներում առևտրի ավելի մեծ ծավալներով:

Տոկոսային եկամուտն աճել է 181%-ով և կազմել 828 մլն ԱՄՆ դոլար՝ հիմնականում պայմանավորված առևտրային արժեթղթերից, մարժա վարկերից և հաճախորդների վարկերից ստացվող ավելի բարձր եկամուտներով: Ֆինանսական տարվա զուտ եկամուտը կազմել է 375 միլիոն դոլար՝ 2023 թվականի 206 միլիոն դոլարի դիմաց: Ընդհանուր ակտիվները 2024 թվականի մարտի 31-ի դրությամբ կազմել են 8,3 միլիարդ դոլար՝ 2023 թվականի մարտի 31-ի 5,1 միլիարդ դոլարի դիմաց:

Shapagat շահույթ չհետապնդող կորպորատիվ հիմնադրամը, որը հիմնադրվել է 2023 թվականի օգոստոսին, 2,9 միլիոն դոլար է հատկացրել բարեգործական նպատակներին: 2023 թվականի դեկտեմբերին Freedom Holding Corp. հրապարակել է կայունության իր առաջին զեկույցը՝ ընդգծելով ընկերության հավատարմությունը ESG սկզբունքներին, որոնք ներառում են հոգատարություն աշխատակիցների, համայնքի վրա ազդեցության, կորպորատիվ կառավարման և հիմնական բնապահպանական տվյալներին առնչվող տվյալներ։

Freedom Holding Corp. ավելացրել է իր համաշխարհային ներկայությունը՝ բացելով նոր գրասենյակներ Ավստրիայում, Բելգիայում, Բուլղարիայում, Իտալիայում, Նիդեռլանդներում և Հայաստանում։ 2024 ֆինանսական տարվա վերջի դրությամբ Freedom Broker Armenia-ի հաճախորդների թիվը գերազանցել է 11 հազարը։ 2024 թվականի առաջին եռամսյակի համար այն աճել է 149%-ով, այսինքն՝ 2,5 անգամ։ Աշխատակիցների թիվը մեկ տարում աճել է 4,6 անգամ, իսկ հասույթը կազմել է 8,6 մլրդ ՀՀ դրամ։

Աղբյուրը՝     fintech.am