ԱՄՀ կանխատեսմամբ՝ մինչև 2032-ը ԱՄՆ պետական պարտքը կկազմի ՀՆԱ-ի 140%-ը
Արժույթի միջազգային հիմնադրամը ԱՄՆ պետական պարտքի հարցը լուծելու անհրաժեշտություն է տեսնում, որը մինչև 2032 թվականը կկազմի ՀՆԱ-ի 140%-ը: Այս մասին ասվում է ԱՄՀ-ի կանոնադրության 4-րդ հոդվածի հիման վրա ամերիկյան տնտեսության տարեկան վերանայման արդյունքների վերաբերյալ զեկույցում:
«Կա հրատապ անհրաժեշտություն՝ դադարեցնել պետական պարտք-ՀՆԱ հարաբերակցության շարունակական աճը: Կանխատեսվում է, որ հարկաբյուջետային դեֆիցիտը և պետական պարտք-ՀՆԱ հարաբերակցությունը զգալիորեն ավելի բարձր կմնան, քան նախահամաճարակային կանխատեսումներն էին: Պետական պարտքը մինչև 2032-ին կայուն աճի միտում ունի. կանխատեսման համաձայն՝ կարող է հասնել ՀՆԱ-ի 140%-ից: Նմանապես, ակնկալվում է, որ պետական բյուջեի դեֆիցիտը կմնա ՀՆԱ-ի շուրջ 2.5%-ի սահմաններում, ինչը ավելի բարձր է, քան ժամանակին կանխատեսված մակարդակը»:
Հիմնադրամի տվյալներով՝ «նման բարձր դեֆիցիտն ու պարտքը աճող վտանգ են ներկայացնում ԱՄՆ-ի և համաշխարհային տնտեսության համար»: Ֆինանսական հաստատությունն ընդգծում է այս խնդրի «շտապ վերացման» անհրաժեշտությունը:
Աղբյուրը` b24.am