Այսօր Արթիկ համայնքի ղեկավար Անան Ոսկանյանն աշխատանքային այցով Սպանդարյան գյուղում էր
Այսօր Արթիկ համայնքի ղեկավար Անան Ոսկանյանն աշխատանքային այցով Սպանդարյան գյուղում էր։
Համայնքի ղեկավարը Վեոլիա Ջուր ՓԲԸ-ի Արթիկ շահագործման տեղամասի պետ Մխիթար Հունանյանի և վթարային խմբերի ղեկավար Արմեն Խաչատրյանի հետ Սպանդարյանում ծանոթացել է Վեոլիա Ջուր ՓԲԸ-ի կողմից գյուղը սնուցող ջրատարի հիմնանորոգման աշխատանքներին։
Ծրագրի շրջանակում հիմնանորոգվել է 1665 մետր ջրատար խողովակ, կատարվել են 800 մետր տնային միացումներ, տեղադրվել են 55 դիտահորեր։
Համայնքի ղեկավարը Վեոլիա Ջուր ՓԲԸ-ի Արթիկի մասնաճյուղի պատասխանատուների հետ շրջել է տարածքում, ծանոթացել կատարված աշխատանքին և իր խոսքում շնորհակալություն է հայտնել <<Վեոլիա Ջուր>> ՓԲԸ-ի գլխավոր տնօրինությանը, <<Հյուսիսային շահագործման տեղամասի>> տնօրեն Արայիկ Եղիկյանին, <<Արթիկ շահագործման տեղամասի>> տնօրինությանը և աշխատակիցներին` ծրագիրը Սպանդարյան գյուղում իրականացնելու համար։
Համայնքի ղեկավարը գյուղում հանդիպել է բնակիչներին, զրուցել նրանց հետ, պատասխանել հուզող հարցերին։