Մի շարք պաշտոնատար անձիք ներկա են եղել Հրազդան համայնքի օրվան նվիրված հանդիսավոր տոնակատարությանը

Լոռու մարզպետ Արամ Ղազարյանը հուլիսի 28-ին ՀՀ ՏԿԵ նախարար Գնել Սանոսյանի, Բարձր տեխնոլոգիական արդյունաբերության նախարար Հակոբ Արշակյանի, Ֆինանսների նախարար Վահե Հովհաննիսյանի, Ալավերդի համայնքի ղեկավար Դավիթ Ղումաշյանի, այլ պաշտոնատար անձանց հետ ներկա է եղել Հրազդան համայնքի օրվան նվիրված հանդիսավոր տոնակատարությանը:

Արամ Ղազարյանը համայնքի օրվա կապակցությամբ շնորհավորել է Կոտայքի մարզպետ Ահարոն Սահակյանին, Հրազդան համայնքի ղեկավար Սևակ Միքայելյանին, քաղաքացիներին՝ մաղթելով համայնքին շարունակական զարգացում, բնակիչներին՝ բարօրություն և բարեկեցություն:

Մարզպետ Արամ Ղազարյանը նաև շնորհակալագրով է պարգևատրել համայնքի ղեկավար Սևակ Միքայելյանին՝ Լոռու մարզի աղետից տուժած բնակավայրերին օգնելու նպատակով Հրազդան համայնքի կամավորական ուժերը համախմբելու, աղետի գոտում օպերատիվ աշխատանքներ իրականացնելու, անշահախնդիր ու անձնվեր գործունեության և մարդկային բարձր արժանիքներ դրսևորելու համար:

Անշահախնդիր կերպով կամավորական աշխատանքներին մասնակցելու համար մարզպետի շնորհակալագրերով են պարգևատրվել նաև «Կոմունալ տնտեսության, աղբահանության և սանմաքրման հիմնարկի» տնօրեն Վաղարշակ Պողոսյանը, մինի էքսկավատորի վարորդ Արմեն Սահակյանը, էքսկավատորի վարորդ Ահարոն Մկրտչյանը:

Հրազդանի օրվան նվիրված միջոցառումը հագեցած է եղել ուրախ համերգային ծրագրով, ցուցադրություններով, տոնավաճառով:

Պաշտոնյաները մասնակից են դարձել միջոցառումներին, շրջել տաղավարներով: