ԵՏՀ առևտրի նախարարը և Իրանի դեսպանը քննարկել են Երևանում նախատեսված ԵԱՏՄ-Իրան երկխոսության նախապատրաստումը
Տեղի է ունեցել Եվրասիական տնտեսական հանձնաժողովի առևտրի նախարար Անդրեյ Սլեպնևի և Ռուսաստանի Դաշնությունում Իրանի Իսլամական Հանրապետության արտակարգ և լիազոր դեսպան Քազեմ Ջալալիի աշխատանքային հանդիպումը։ Այս մասին հաղորդում են Եվրասիական տնտեսական հանձնաժողովից։
Հանդիպման ընթացքում քննարկվել են հոկտեմբերի 1-ին Երևանում կայանալիք Եվրասիական տնտեսական համաժողով–2024-ի հարթակում նախատեսվող ԵԱՏՄ-Իրան գործարար երկխոսության նախապատրաստմանն առնչվող հարցեր:
Կողմերը վստահություն են հայտնել, որ գործարար երկխոսությունը կդառնա համաժողովի առանցքային միջոցառումներից մեկը և թույլ կտա հնարավորություններ բացել իրանական ընկերությունների հետ Միության երկրների բիզնեսի առևտրատնտեսական կապերի խորացման համար ԵԱՏՄ - Իրան ազատ առևտրի մասին նոր համաձայնագրի լույսի ներքո:
«Գործընկերների հետ համագործակցության առումով մեր գործարար շրջանակները հատուկ հետաքրքրություն են ցուցաբերում լոգիստիկայի, ենթակառուցվածքի ոլորտների, ինչպես նաեւ առեւտրային գործառնությունների պարզեցման հարցերի նկատմամբ՝ ներառյալ վճարումների իրականացումը», - ընդգծել է Անդրեյ Սլեպնյովը:
Բացի այդ, հանդիպման մասնակիցները տեղեկություններ են փոխանակել ազատ առևտրի մասին լիաֆորմատ համաձայնագրի վավերացման ընթացքի և ընթացիկ ու հաջորդ տարի Իրանի հետ ԵՏՀ փոխգործակցության զարգացման ծրագրերի մասին: