Համագործակցության պայմանագիր ՀՀ ֆինանսների նախարարության և «ԱՊԱԳԱ» բարեգործական հիմնադրամի միջև

Սեպտեմբերի 24-ին ՀՀ ֆինանսների նախարարության և «ԱՊԱԳԱ» բարեգործական հիմնադրամի միջև տեղի է ունեցել համաձայնության հուշագրի ստորագրման պաշտոնական արարողություն:

Ինչպես հայտնում են նախարարությունից, հուշագրի շրջանակներում, մասնավորապես, նախատեսվում է երկուստեք ուղղել հնարավոր բոլոր ջանքերն ու ռեսուրսները «Կրթությունից աշխատանք՝ մեկ քայլ» ծրագրի լիարժեք իրականացմանը:

Հիմնադրամի հետ  համագործակցության նպատակն է կազմակերպել  համապատասխան մասնագիտություն ունեցող լավագույն  ուսանողների պրակտիկան ֆինանսների նախարարությունում և ներգրավել նրանց նախարարության մի շարք հաստիքներում՝ դրանով իսկ հիմք դնելով պետական կառավարման համակարգը երիտասարդ և հմուտ կադրերով համալրելու կարևորագույն գործին: