ԵԱՏՄ միջկառավարական խորհրդի հաջորդ նիստը տեղի կունենա դեկտեմբերին Մոսկվայում

Եվրասիական միջկառավարական խորհրդի հաջորդ նիստը տեղի կունենա 2024 թվականի դեկտեմբերին Մոսկվայում։ Երևանում այսօր կայացած նիստի արդյունքներով լրագրողներին հայտնել է ԵՏՀ կոլեգիայի ղեկավար Բակիտժան Սագինտաևը։

Միության երկրների կառավարությունների ղեկավարները, ինչպես նաև Ուզբեկստանի վարչապետն ու Իրանի փոխնախագահը Երևանում անցկացված նստաշրջանի ժամանակ քննարկել են հետագա համագործակցության առանցքային հարցերը:

Ստորագրվել են պրոֆիլային փաստաթղթեր՝ ապրանքների ընդհանուր բորսային շուկայի ձևավորման հայեցակարգը, Եվրասիական տնտեսական հանձնաժողովի և Ուզբեկստանի կառավարության 2024–2026 թթ. համատեղ միջոցառումների ծրագիրը:

Հաստատվել են նաև ընդհանուր էլեկտրաէներգետիկական շուկայում տեղեկատվության փոխանակման կանոնները, սահմանվել են մինչև 2030 թ. արդյունաբերական համագործակցության հիմնական ուղղությունները:

Աղբյուրը՝ Sputnik Արմենիա