Հայաստանում օդի ջերմաստիճանն աստիճանաբար կնվազի 6-9 աստիճանով

 Հիդրոօդերևութաբանության և մոնիտորինգի կենտրոնը հայտնում է, որ օդի ջերմաստիճանը հոկտեմբերի 17-19-ին աստիճանաբար կնվազի 6-9 աստիճանով:

Արևմուտքից ակտիվ ցիկլոնի ներթափանցմամբ պայմանավորված` հոկտեմբերի 17-ին, 17-ի լույս 18-ի գիշերը հանրապետության շրջանների մեծ մասում սպասվում են հորդառատ անձրևներ և ամպրոպ։

Հորդառատ տեղումներով պայմանավորված` հոկտեմբերի 17-18-ին հանրապետության գետերի մեծ մասում սպասվում է ջրի ելքերի զգալի մեծացում:

Այսօր հորդառատ անձրևներ են սպասվում նաև Երևանում։ Մայրաքաղաքում ցերեկային ժամերին օդի ջերմաստիճանը կտատանվի 15-17, գիշերը` 9-11 աստիճան տաքության սահմաններում։