Սյունիքի մարզում աշխատանքների մասին՝ համառոտ
Ձեզ ենք ներկայացնում համառոտ տեղեկատվություն Սյունիքում աշխատանքների մասին: Համաձայն մարզպետարանի հրապարակումների.
- Սյունիքի մարզպետի տեղակալ Նարե Ղազարյանն այսօր ընդունել է Եվրոպական ներդրումային բանկի ներկայացուցիչներին (ԵՆԲ)՝ Հայաստանի պետական հատվածի վարկավորման գործառնությունների պատասխանատու Ստեֆանի Գիհարդ-Բրենդի գլխավորությամբ։
ԵՆԲ-ի կողմից նախատեսվող շրջանակային վարկի միջոցներով Սյունիքում ծրագրեր կիրականացվեն, որոնց հիմնական ուղղություններն են հանրային առողջապահությունը, կրթական շենքերի նորոգումը, ջրամատակարարման համակարգերի բարելավումը։
Վարկի շրջանակներում Սյունիքի դիմակայությանն ուղղված ծրագրի հայեցակարգը կազմվել է ըստ մարզպետի աշխատակազմի առաջարկների ու մարզի խնդիրների առաջնահերթությունների վերաբերյալ կատարած վերլուծական աշխատանքի արդյունքում։
- Ավարտին են մոտենում Ներքին Հանդ գյուղի բնակելի տների տանիքների՝ պետբյուջեի միջոցներով նորոգման աշխատանքները։