ՀՀ քննչական կոմիտեն հաշվետու կլինի ԱԺ–ին
ՀՀ քննչական կոմիտեն և մի շարք այլ գերատեսչություններ, որոնք տարեկան հաշվետվություն չեն ներկայացնում ՀՀ Ազգային ժողով, չի բացառվում, որ օրենսդրական համապատասխան փոփոխություններից հետո սկսեն անել դա: ԱԺ նախագահ Ալեն Սիմոնյանը, ՔՊ–ական պատգամավորներ Սիսակ Գաբրիելյանը և Արսեն Թորոսյանը Ազգային ժողովի կանոնակարգ օրենքում նման փոփոխությունների առաջարկով էին հանդես եկել. պատգամավորների առաջարկն ընդունվեց ՀՀ կառավարության այսօրվա նիստի ժամանակ։ Այն կներկայացվի ԱԺ` քննարկման և վավերացման։
Այժմ խորհրդարանում իր գործունեության մասին տարեկան հաշվետվությունը ներկայացնում է ՀՀ կառավարությունը, սակայն գործադիր մարմնի կազմում չընդգրկված մի շարք գերատեսչություններ չեն մասնակցում այդ հաշվետվությանը: Դրանց թվում են ՀՀ քննչական կոմիտեն, հակակոռուպցիոն կոմիտեն, կոռուպցիայի կանխարգելման հանձնաժողովը։
Առաջարկվում է այդ մարմինների ղեկավարներին նախարարների հետ հավասար հրավիրել ԱԺ` տարեկան հաշվետվությունների։