Ռուսաստանի բանկի կողմից հիմնական տոկոսադրույքի բարձրացումը կազդի Հայաստանից թե արտագնա աշխատանքի մեկնածների, թե արտահանողների վրա
Ռուսաստանի բանկի կողմից հիմնական տոկոսադրույքի բարձրացումը կազդի ինչպես Հայաստանից արտագնա աշխատանքի մեկնածների, այնպես էլ արտահանողների վրա։
ՀՀ կենտրոնական բանկի նախագահ Մարտին Գալստյանն ասուլիսում նշեց, որ «սա խնդիր կարող է բերել հայ արտահանողների համար` նրանք կկարողանա՞ն արդյոք ճշտգրտել իրենց ապրանքների գներն ու բարձրացնել դրանք։ Այստեղ փոխարժեքի հարց է առաջանում։ Արտահանման դեպքում գնաճը մեր օգտին է աշխատում` որոշակիորեն ճշտգրտման դրական պոտենցիալով»:
Ինչպես արդեն հայտնել ենք, հոկտեմբերի 25–ին Ռուսաստանի բանկը հիմնական տոկոսադրույքը տարեկան 19%-ից դարձրեց 21%։
Նրա կարծիքով, աշխատաշուկայում այդ իրավիճակն ավելի կնպաստի աշխատավարձերի բարձրացմանը։ Դա նպաստավոր կլինի նաև մեր հայրենակիցների համար, որոնք հիմնականում աշխատում են շինարարության և ծառայությունների ոլորտներում, որպեսզի որոշակի փոխհատուցում ստանան։
ՌԴ աշխատաշուկայում կա հսկայական պահանջարկ աշխատանքային ռեսուրսների նկատմամբ, որը համալրվում է ոչ թե խելամիտ առաջարկով, այլ հիմնականում արտացոլվում է աշխատավարձերի բարձրացմամբ։
«Դրանով պայմանավորված` ՌԴ ԿԲ–ն ստիպված փորձում է տոկոսադրույքը բարձրացնելու միջոցով որոշակիորեն զսպել այդ պահանջարկը։ Տոկոսադրույքի բարձրացումը դեռ կարող է շարունակվել, ու անհրաժեշտություն լինի գնաճային սպասումները խարսխելու նոր քայլեր ձեռնարկել»,– նշեց Գալստյանը։