Bloomberg-ը աշխարհի ամենահարուստ մարդկանց նոր ցանկ է հրապարակել

Bloomberg Billionaires Index-ը հրապարակած աշխարհի 500 ամենահարուստ մարդկանց թարմացված վարկանշային ցուցակի  համաձայն, աշխարհի ամենահարուստ մարդը շարունակում է մնալ SpaceX և Tesla ընկերությունների հիմնադիր Իլոն Մասկը, որի կարողությունը գնահատվել է 263 մլրդ դոլար:

Երկրորդ տեղում Amazon առցանց խանութի հիմնադիր Ջեֆ Բեզոսն է՝ 209 միլիարդ դոլար:

Երրորդը Meta ընկերության ղեկավար Մարկ Ցուկերբերգն է՝ 201 մլրդ դոլար կարողությամբ: Հատկանշական է, որ առաջատար եռյակի ներկայացուցիչները մեկ տարում գրանցել են եկամտի կորուստ համապատասխանաբար 5,61,  6,12, 8,3 մլրդ դոլար:

Միլիարդատերերի կարողության հաշվարկները թարմացվում են Նյու Յորքի բորսայում յուրաքանչյուր առևտրային օրվա ավարտին:

Ամբողջական ցանկին կարող եք ծանոթանալ այստեղ: