16.8 մլն դրամ՝ ՀՀ–ում բնության հուշարձանները առաջին անգամ անձնագրավորելու համար
Հաջորդ տարի ՀՀ–ում առաջին անգամ կանձնագրավորվեն բնության հուշարձանները։ ՀՀ շրջակա միջավայրի նախարար Հակոբ Սիմիդյանի խոսքով, այդ նպատակով 16.8 մլն դրամ կհատկացվի` անձնագրավորելու ՀՀ–ում գտնվող շուրջ 230 բնության հուշարձանները.«Մարզ առ մարզ հիմա ուսումնասիրություն ու գույքագրում ենք անում` հասկանալու հուշարձանների վիճակը։ Ունենք հուշարձաններ, որոնք ֆիզիկապես ու բարոյապես մաշվել են»։
Նա նշեց նաև, որ Նախարարության 2025 թ. բյուջեն 3.7 մլրդ դրամով ավելացել է՝ հիմնականում պայմանավորված էկոպարեկային ծառայության ներդրմամբ։
Ի դեպ, նախարարը տեղեկացրեց նաև, որ Սյունիքում երեկվանից արդեն իսկ սկսված է էկոպարեկության գործընթացը, և արդեն իսկ ընդունվում են աշխատանքի ընդունման հայտեր։