Modex. 2023թ. ՀՀ խոշորագույն ընկերությունը Զանգեզուրի ՊՄԿ-ն է
Modex խորհրդատվական ընկերությունը ներկայացրել է ՀՀ 10 խոշորագույն ընկերությունները 2023թ-ին. ըստ հասույթի Հայաստանի խոշորագույն ընկերությունների ցանկը գլխավորել է Զանգեզուրի ՊՄԿ-ն՝ 312 մլրդ դրամ հասույթով: Այդ ընկերությանը հաջորդել են Գազպրոմ Արմենիան և ՀԵՑ-ը:
Համաձայն հրապարակման,
- 2023թ-ին 10 խոշորագույն ընկերությունների ընդհանուր հասույթը եղել է շուրջ 1.57 տրիլիոն դրամ՝ 7.3%-ով ավելի, քան 2022թ-ին,
- Բոլոր 10 ընկերությունները արձանագրել են զուտ շահույթ, ընդհանուր՝ շուրջ 294 մլրդ դրամ,
Դիտարկված 10 ընկերությունների սեփական կապիտալի շահութաբերության պարզ միջինը 2023թ-ին եղել է 31.5%, միջնարժեքը՝ 24.2%
«Երևանի Ոսկերչական Ֆաբրիկա» ՍՊԸ-ի ֆինանսական հաշվետվությունը հասանելի չէ, ինչի պատճառով դրա հասույթի տվյալները ներառված չեն ցուցակում:
Հատկանշական է, որ առանձին ընկերությունների դեպքում փոխկապակցված կողմերի հետ գործարքները կարող են արտահայտված չլինել իրական գներով, որը կարող է ունենալ էական ազդեցություն ընկերության՝ առանձին վերցված արդյունավետության գնահատման վրա։