«Ոսկե կաթ» ընկերությունը արտոնություն ստացավ

Կառավարությունը  գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատեց «ՈՍԿԵ ԿԱԹ» սահմանափակ պատասխանատվությամբ ընկերությանը:

Ներմուծվող հումքը նախատեսվում է օգտագործել կաթնամթերքի արտադրության համար։ Իրականացվելու է 100 մլն դրամի ներդրում սարքավորումների և 78․7 մլրդ դրամի ներդրում հումքի ձեռքբերման համար։

Ներկայումս առկա է 6 աշխատատեղ 312 հազ դրամ միջին ամսական աշխատավարձով։ Ներդրումային ծրագրի շրջանակներում մինչև 2027 թվականը նախատեսվում է աշխատատեղերի թիվը հասցնել մինչև 36-ի՝ 280 հազար դրամ միջին ամսական աշխատավարձով։

Արտոնություն ստանալու համար ներկայացված ապրանքների արժեքը կազմում է78․7 մլրդ դրամ: Մաքսատուրքից ազատման արտոնությունը գնահատվում է 11․8 մլրդ դրամ: