B24. TikTok-ի տարեկան ածխածնի արտանետումները համեմատելի են ամբողջ Հունաստանի արտանետումների ցուցանիշի հետ

TikTok պլատֆորմի ածխածնի արտանետումները 2023 թվականի համար գրեթե նույնն են, ինչ ամբողջ Հունաստանի տարեկան ցուցանիշները: Սա հետևում է Greenly-ի՝ ածխածնային հաշվառման խորհրդատվության զեկույցից: Դրա արդյունքները հայտնում է The Guardian-ը։

Greenly-ի հետազոտությունը բացահայտել է սոցիալական մեդիայի թաքնված բնապահպանական ծախսերը՝ հիմնականում ածխածնի արտանետումների պատճառով: Վերլուծության ընթացքում օգտագործվել են ածխածնի արտանետումների վերաբերյալ տվյալներ՝ կապված յուրաքանչյուր օգտատիրոջ կողմից ծառայությունների մեկ րոպեի օգտագործման հետ, ներառյալ տվյալների կենտրոնի արտանետումները և հարթակներից օգտվելուց հետո լիցքավորման սարքերի հետ կապված արտանետումները:

Այսպիսով, ըստ վերլուծաբանների, TikTok-ի միջին օգտագործողը ամեն տարի արտադրում է ջերմոցային գազեր, որոնք համարժեք են բենզինով աշխատող մեքենայով 123 լրացուցիչ մղոն (մոտ 198 կմ) վարելուն: Greenly-ի գնահատմամբ՝ 2023 թվականին TikTok-ի ածխածնի արտանետումները ԱՄՆ-ում, Մեծ Բրիտանիայում և Ֆրանսիայում կկազմեն մոտ 7․6 միլիոն տոննա ածխածնի երկօքսիդի համարժեք (CO2e), ինչը ավելի բարձր է, քան X սոցիալական ցանցի (նախկինում՝ Twitter) և Snapchat-ի արտանետումները նույն շրջաններում։

Նյութն ամբողջությամբ՝ B24