Որո՞նք են ԲՏԱ ընկերություններին աջակցության ուղղությունները. Նախարարությունը հրապարակում է կատարել

Հունվարի 1-ից ուժի մեջ են մտել «Բարձր տեխնոլոգիաների ոլորտի պետական աջակցության մասին» օրենքում և Հայաստանի Հանրապետության հարկային օրենսգրքում արված նոր կարգավորումներն` ուղղված բարձր տեխնոլոգիական ոլորտի զարգացմանը:

ԲՏԱ նախարարությունը ներկայացրել է պետական աջակցության ուղղությունները և հայտնել, որ դրանք կտրամադրվեն եռամսյակային կտրվածքով.

 Աշխատանքային միգրանտներ՝

• Եկամտային հարկի 60%-ի չափով աջակցություն տնտեսավարող սուբյեկտներին՝ գործում է 2025 թ. հունվարի 1-ից մինչև 2025թ․ դեկտեմբերի 31-ը։

• Եկամտային հարկի 60%-ի չափով աջակցություն աշխատանքային միգրանտներին՝ գործում է 2026 թ. հունվարի 1-ից մինչև 2031թ․ դեկտեմբերի 31-ը

 Նոր աշխատողներ (առաջին անգամ ոլորտ մուտք գործող մասնագետներ)՝

Եկամտային հարկի 60%-ի չափով աջակցություն տնտեսավարող սուբյեկտներին

Եկամտային հարկի 50%-ի չափով աջակցություն տնտեսավարող սուբյեկտներին

Օրենքը ուժի մեջ կմտնի 2025թ. հունվարի 1-ից և կգործի մինչև 2031 թ. դեկտեմբերի 31-ը։

 Հարկային արտոնություններ՝

 Շրջանառության հարկ

• Նվազեցում` 5%-ից դառնում է 1%

 Եկամտային հարկ

• Գիտահետազոտական ոլորտ` 20%-ից դառնում է 10%

 Շահութահարկ

• Բացառապես գիտահետազոտական աշխատանքներ իրականացնող տնտեսավարող սուբյեկտների մասնագիտական աշխատողների աշխատավարձի 200%-ի չափով շահութահարկի բազայի նվազեցում,

• Մինչև 50 աշխատող ունեցող ընկերությունների ստացած նպատակային միջոցների հարկման հատուկ կարգ,

• Գիտական հետազոտությունների հիմնական միջոցների ամորտիզացիայի ճկուն ժամկետի սահմանում: