Ահռելի թվով մարդկանց համար միասնական տոմսային համակարգը ձեռնտու է, ուղղակի ինֆորմացիոն բաց կա. Ավինյան
Ահռելի թվով մարդկանց համար միասնական տոմսային համակարգը ձեռնտու է այն առումով, որ ավելի մատչելի է լինելու, բայց շատերն ուղղակի ինֆորմացիոն բացի պակասով տեղյակ չեն, որ միասնական տոմսային համակարգի դեպքում ամսական տոմսերից օգտվելիս իրենց համար էականորեն ավելի ձեռնտու է լինելու, քանի որ շատ հաճախակի են օգտվում տրանսպորտից: Այս մասին, այսօր՝ հունվարի 13-ին, Երեւանի քաղաքապետարանի հերթական գործակարգավարական խորհրդակցության ժամանակ նշեց քաղաքապետ Տիգրան Ավինյանը:
Շարունակելով քաղաքապետի խոսքը, փոխքաղաքապետ Սուրեն Գրիգորյանը նշեց, թե անցած շաբաթ իրենք հաղորդագրություններ են հրապարակել արտոնյալ խմբերի համար:
«Քաղաքացիների էական հոսք կա, որ մոտենում են իրենց արտոնությունը ձևակերպելու համար»,- ասել է Սուրեն Գրիգորյանը։