Անգամ իշխանությունների հաշվարկներով ուղեվարձը Երեւանում կարող է կազմել առավելագույնը 136 դրամ. փորձագետ
Անգամ ուռճացված հաշվարկներով Երեւանում հանրային տրանսպորտով մեկ ուղեւորության արժեքը 136 դրամ կկազմի։ Այս մասին հունվարի 22-ին լրագրողների հետ հանդիպմանն ասել է «Իրազեկ եւ պաշտպանված սպառող» ՀԿ նախագահ Բաբկեն Պիպոյանը։
Նրա խոսքով՝ Երեւանի իշխանությունները հանրային տրանսպորտով երթեւեկության թանկացումն արդարացնելիս վկայակոչում են 2013թ. մերժված փաստաթուղթը եւ դրան ավելացնում են 10 տարվա գնաճի ցուցանիշները՝ ծուլանալով աշխատել թվերի վրա։ Նա համաձայնել է, որ չի կարելի հիմնվել միայն 2013թ. հաշվարկների վրա՝ հաշվի առնելով, որ տվյալները հնացած են։ «Միեւնույն ժամանակ, Երեւանի քաղաքապետարանը, ի պատասխան իմ գրավոր հարցման, ընդունել է, որ չունի նոր հաշվարկներ, այլ միայն 2013-ի տվյալներն են։ Այս հաշվարկները նախկին իշխանությունների կողմից են եղել, եւ մերժվել են նրանց կողմից, քանի որ հասկացել են, որ այդ տվյալները սխալ են»,- նշել է փորձագետը։
Նա նշել է, որ ներկա իշխանությունները ծախսերի մեջ ներառել են բոլոր բաղադրիչները, այդ թվում՝ մետրոյի ծախսերը, բայց եկամուտների մեջ ներառվել է միայն տոմսերի արժեքը՝ մոռանալով նշել մետրոյի կայարաններում տեղադրվող գովազդից ստացվող եկամուտը։
«Իշխանությունները, ըստ էության, խոստովանել են, որ թույլ կտան, որ ամեն բան իր հունով ընթանա եւ մենեջմենթի հետ կապ չունենա։ Քաղաքապետարանում նշել են, որ գնաճի հաշվարկները կատարվել են վիճակագրական կոմիտեի տվյալների հիման վրա, որը, ըստ նրանց, 10 տարվա ընթացքում կազմել է 36 տոկոս, գնաճը՝ 25 տոկոս: Այս կերպ իշխանությունները փորձում են լավություն անել, մինչդեռ հիմքը ի սկզբանե դրված է ուռճացված ծախսերի վրա, որից հրաժարվել էին նախորդ իշխանությունները»,- ավելացրել է Պիպոյանը։
Նրա գնահատմամբ՝ քաղաքապետարանի պաշտոնյաները, չմանրամասնելով, ասել են, որ բոլոր ավտոբուսների եւ միկրոավտոբուսների միջին ծախսերը նույնն են։ «Իշխանությունները հայտարարել են, որ անցած տարիներին «ստվեր» է եղել, եւ այդ «ստվերի» տվյալների հիման վրա որոշել են, թե ինչ ծախսեր են լինելու»,- ավելացրել է փորձագետը։
Նրա խոսքով՝ իշխանությունները դիզվառելիքի արժեքը հաշվարկել են 1 լիտրը 600 դրամով, մինչդեռ իրականում այն կարելի է ձեռք բերել 470 դրամից ոչ ավելի։
Պիպոյանը սա անվանել է առանցքային ծախսային հոդված, քանի որ այն կազմում է ընդհանուր ծախսերի մոտ 50 տոկոսը։ «Միեւնույն ժամանակ, ներկա իշխանությունների նախկին հաշվարկներով, տրանսպորտային ցանցի միջին հեռավորությունը պետք է կրճատվեր առնվազն կիսով չափ, հետեւաբար, տրանսպորտային միջոցների սպասարկման արժեքը պետք է կրճատվեր երկու անգամ։ Հաշվարկված է, որ յուրաքանչյուր մեքենայի համար 2 000 դոլարը հասանելի է անվադողերի փոխարինման համար: Նշվում է, որ այդ ծախսերը, իբր, պետք է անընդհատ արվեն, թեեւ դա տեղի չի ունենում։ Բայց եթե նույնիսկ ենթադրենք, որ կարվեն, դարձյալ ուղեվարձը չպետք է կազմի 300 դրամ, ինչպես առաջարկում են իշխանությունները»,- ամփոփել է նա։