Էկոնոմիկայի նախարարը հանդիպել է քաղաքացիների հետ

Քննարկվել են սոցիալական աջակցության, ներդրումային մի շարք այլ ծրագրեր։
Բարձրաձայնված հարցերը հիմնականում վերաբերել են նախարարության կողմից իրականացվող պետական աջակցության ծրագրերին, ներդրումային նախագծերին և գաղափարներին, ցեմենտի արտադրությանն ու իրացմանը, կաշվի վերամշակման արտադրության կազմակերպման հնարավորությանը, այլընտրանքային էլեկտրաէներգիայի աղբյուրներին, անասնաբուծության և ջերմատնային տնտեսությունների զարգացմանը, մանկական խաղալիքների արտադրությանն ու արտահանմանն ու այլ ոլորտային հարցերի:

Նախարարը ծանոթացել է քաղաքացիների խնդիրներին, լսել նրանց առաջարկները և տվել հանձնարարականներ համապատասխան ստորաբաժանումներին՝ նախարարության իրավասության շրջանակներում գտնվող հարցերին հնարավոր լուծումներ տալու վերաբերյալ։