Գործադուլի պատճառով Գերմանիայի գրեթե բոլոր օդանավակայաններում աշխատանքի խափանում է սպասվում

Սպասվում են թռիչքների լուրջ սահմանափակումներ, այդ թվում՝ մեծ թվով չվերթների չեղարկումներ։

Ինչպես ասվում է արհմիության տարածած հայտարարության մեջ, գործադուլը սկսվելու է կիրակի երեկոյան և ավարտվելու 24 ժամ հետո:

Համբուրգի օդանավակայանն արդեն փակ է գործադուլի պատճառով։

«Գործադուլներն ամբողջ երկրին զրկում են օդային հաղորդակցությունից: Մենք կոչ ենք անում Ver.di-ին հաշվի առնել ուղևորների շահերը և խաղաղ լուծում փնտրել բանակցությունների սեղանի շուրջ,- նշել է ADV օդանավակայանների ասոցիացիայի կառավարիչ տնօրեն Ռալֆ Բեյզելը:

Արհմիության պահանջները ներառում են աշխատավարձի բարձրացում, արձակուրդային օրերի թվի մեծացում և ժամանակավոր պայմանագրերի սահմանափակումներ: