Չինաստանում սպառողական գները փետրվարին մեկ տարվա ընթացքում առաջին անգամ նվազել են

Փետրվարին Չինաստանում սպառողական գները տարեկան կտրվածքով նվազել են 0.7%-ով։ Այս մասին ասվում է երկրի պետական ​​վիճակագրական ծառայության զեկույցում։ Ավելի քան մեկ տարվա ընթացքում սա առաջին գնանկումն է:

Trading Economics-ի կողմից հարցված վերլուծաբանները միջինում ակնկալում էին 0.5% կրճատում: Հունվարին գնաճը կազմել է 0.5%։

Անցյալ ամիս Չինաստանում պարենային ապրանքների գները նվազել են 3.3%-ով, դրա հիմքում թարմ բանջարեղենի գների 12.6% անկումն է։ Ոչ պարենային ապրանքներն էժանացել են 0.1%-ով, կրթական և տրանսպորտային ծառայությունները՝ համապատասխանաբար 0.5%-ով և 2.5%-ով։ Բժշկական ծառայությունները թանկացել են 0.2%-ով:

Սպառողական գներն՝ առանց սննդամթերքի և էներգիայի ծախսերի, փետրվարին նախորդ տարվա նույն ամսվա համեմատ նվազել են 0.1%-ով։

Սպառողական գների ինդեքսը նախորդ ամիս հունվարի համեմատ նվազել է 0.2%-ով, մինչդեռ փորձագետներն ակնկալում էին 0.1% անկում։