Evocabank-ը եւ FINCA-ն համատեղ քարտեր կթողարկեն
Քարտերի միջոցով FINCA-ի հաճախորդները կկարողանան իրենց վարկերը ստանալ անկանխիկ եղանակով:
Համագործակցության պայմանագիրը ստորագրել են Evocabank-ի Վարչության նախագահ Կարեն Եղիազարյանը եւ FINCA-ի Գլխավոր գործառնական տնօրեն Վարդան Հարոյանը:
Համատեղ թողարկվող դեբետային քարտերի միջոցով FINCA-ի ֆիզիկական անձ հաճախորդները կարող են իրենց՝ մինչեւ 2.5 միլիոն ՀՀ դրամի եւ համարժեք ԱՄՆ դոլարի չափով վարկերը ստանալ անկանխիկ եղանակով:
«Ի դեպ, քոբրենդային քարտի միջոցով վարկը ստանալու դեպքում վարկի գումարը հաճախորդին է փոխանցվում նույն օրվա ընթացքում: Քարտերը տրամադրվում են անվճար եւ առանց տարեկան սպասարկման վճարի՝ դրանց գործածությունը հաճախորդների համար առավել հարմար եւ հասանելի դարձնելու նպատակով:
Շուտով կազմակերպությունները հանդես կգան համատեղ նոր նախագծերով, որոնցից է` օնլայն հարթակում վարկերի անկանխիկ մարումներ իրականացնելու ծառայությունը»,- նշել են Evocabank-ում:
Աղբյուրը՝ banks.am