Պայմանավորվել ենք Արաքս գետի վրա ևս մեկ կամուրջ կառուցել. Արաղչի
ՀՀ-ն և Իրանը պայմանավորվել են Արաքս գետի վրա ևս մեկ կամուրջ կառուցելու վերաբերյալ։ ՀՀ արտաքին գործերի նախարար Արարատ Միրզոյանի հետ համատեղ ասուլիսի ժամանակ Իրանի արտգործնախարար Աբբաս Արաղչին նշել է, որ Իրանը ողջունում է երկու երկրների միջև տնտեսական հարաբերությունների զարգացումը։ Իրանի և Հայաստանի միջև դինամիկ զարգացում է արձանագրվում հատկապես զբոսաշրջության և մշակութային ոլորտներում, նաև առևտրի մեջ ու տնտեսական ծրագրերում։
«Պայմանավորվել ենք լավագույնս օգտագործել այն պոտենցիալը, որն առկա է հարաբերություններում։ Իրանը պատրաստ է Հայաստանի հետ պայմաններ ստեղծել տարանցիկ ոլորտում` դեպի Սև ծով, Պարսից ծոց և Հնդկաստան իրականական բեռնափոխադրումներն իրականացնելը հեշտացնելու համար։ Արաքս գետի վրա նոր կամուրջ կառուցելն էլ ավելի կդյուրացնի բեռնափոխադրումները»,– ասել է Իրանի արտգործնախարարը։