Չինաստանն ամերիկյան ընկերությունների երկարաժամկետ ներդրումների հույս ունի
Չինաստանը ողջունում է ամերիկյան ընկերությունների երկարաժամկետ ներդրումներն իր տնտեսության մեջ։ Այս մասին հայտարարել է ՉԺՀ Պետական խորհրդի փոխվարչապետ Հե Լիֆենը, որը վերահսկում է կառավարությունում ֆինանսները, Պեկինում ամերիկյան Blackstone ներդրումային ընկերության ղեկավար Սթիվեն Շվարցմանի հետ հանդիպմանը։
Շվարցմանն իր հերթին նշել է, որ Blackstone-ը լիովին վստահ է չինական տնտեսության զարգացմանը և պատրաստ է շարունակել խորացնել իր ներկայությունը չինական շուկայում։ Ամերիկյան ընկերությունը ակտիվ դեր կխաղա երկու երկրների միջև առևտրատնտեսական հարաբերությունների խթանման գործում:
Blackstone-ը չինական շուկա է մտել 2007-ին: Ընկերության ղեկավարությունը պարբերաբար այցելում է Չինաստան և հանդիպում երկրի բարձրագույն ղեկավարության հետ։