Երեխաները կկարողանան վճարումներ կատարել Google Wallet-ով

Google Wallet-ը ներկայացնում է նոր գործառույթ, որը թույլ կտա երեխաներին՝ ծնողների համաձայնությամբ անհպում վճարումներ կատարել խանութներում՝ օգտագործելով իրենց Android հեռախոսները։ 

Երեխաները կարող են նաև օգտագործել Google Wallet-ը՝ կցված անցագրերին, օրինակ՝ միջոցառումների տոմսերին,  գրադարանի քարտերին և նվեր քարտերին հասանելիություն ունենալու համար։

Google-ը շեշտում է, որ երեխաների վճարային քարտերը կարող են ավելացվել միայն ծնողների համաձայնությամբ։ Ծնողները էլ. նամակ կստանան երեխաների կատարած յուրաքանչյուր փոխանցման մասին, ինչպես նաև կկարողանան հետևել վերջին գնումներին, հեռացնել քարտերը և փակել հասանելիությունը անցագրերին։

Այս թարմացումը կներդրվի առաջիկա մի քանի շաբաթների ընթացքում ԱՄՆ-ում, Մեծ Բրիտանիայում, Ավստրալիայում, Իսպանիայում և Լեհաստանում։