Բորսայի տեխնոլոգիական թերզարգացվածությունն ու open banking–ի բացակայությունն արգելակում են Հայաստանի ներդրումային շուկան

Բորսայի տեխնոլոգիական թերզարգացվածությունն ու open banking–ի բացակայությունն արգելակում են Հայաստանի ներդրումային շուկայի զարգացումը, վստահ է Sirius Capital ներդրումային ընկերության գործադիր տնօրեն և կառավարող մասնակից Արարատ Մկրտչյանը։

Պատասխանելով «ԱՌԿԱ» գործակալության հարցին  Հայաստանի ներդրումային շուկայի աճի խոչընդոտների մասին՝ Մկրտչյանը նշել է, որ հիմնական խոչընդոտը բուն բորսայի տեխնոլոգիական թերզարգացվածությունն է, ինչը խանգարում է ավելի անխափան ինտեգրմանը։ 

Նրա խոսքով, շատ է խանգարում open banking–ի բացակայությունը, դա ֆինանսների կառավարման տեխնոլոգիա է, որի շրջանակում բանկերը բացում են իրենց տեխնոլոգիական համակարգերը մյուս ֆինանսական ինստիտուտների համար։

«Ամբողջ աշխարհում դա արվում է կենտրոնական բանկի «մահակի» օգնությամբ․ Բրիտանիայում, օրինակ, բանկերին ստիպել են միանալ open banking ռեժիմին, երբ դու շրջանցում ես բանկի բջջային հավելվածն ու ուղիղ միանում ես նրա backend–ին (սերվերին)։ Այսինքն, կարելի է ստուգել հաշվեկշիռը, կատարել գործարքներ՝ առանց նույնականացվելու հավելվածում։ Նման ABI ինտեգրացիան (Application Binary Interface, խմբ․) շատ կարևոր է շուկայի, հատկապես՝ ներդրումային ընկերությունների համար», – ընդգծել է Մկրտչյանը։

Նա նշել է, որ Հայաստանում, զարմանալիորեն, ֆինանսական շուկայի զարգացման բում է նկատվում։

«Թողարկումների թիվն ամեն տարի աճում է, հատկապես կորպորատիվ, և մենք տեսնում ենք, որ շատ ընկերություններ պարտատոմսերի թողարկմամբ առաջին անգամ են դուրս գալիս ֆինանսական շուկա»․– նշել է նա։

Ամբողջությամբ՝  armbanks.am