Հայաստանում բենզինը մարտին թանկացել է 0,6%–ով, իսկ դիզվառելիքն էժանացել է 4,9%–ով

2025 թվականի մարտին Հայաստանում բենզինի գինը, 2024 թվականի մարտի համեմատ, աճել է 0.6%-ով, իսկ դիզվառելիքի գինը նվազել է 4.9%-ով։ Այս մասին վկայում են Հայաստանի ազգային վիճակագրական կոմիտեի հաշվետվության տվյալները։

Միևնույն ժամանակ, 2025 թվականի մարտին բենզինի և դիզվառելիքի գները, 2025 թվականի փետրվարի համեմատ, նվազել են 0.4%-ով։

Այս տարվա մարտին, 2024 թվականի դեկտեմբերի համեմատ, բենզինի գինը մնացել է անփոփոխ, իսկ դիզվառելիքի գինը աճել է 0.4%-ով։

Ընդհանուր առմամբ, վիճակագրական տվյալների համաձայն, ոչ պարենային ապրանքների շուկայում 2024 թվականի մարտին, 2023 թվականի մարտի համեմատ, գները նվազել են 0.3%-ով, իսկ 2025 թվականի փետրվարի համեմատ՝ աճել են 0.8%-ով։