Շվեյցարիայում գրեթե յուրաքանչյուր երկրորդ ընկերություն ծանր հարված է ստացել ԱՄՆ-ի մաքսատուրքերից

Շվեյցարիայում գործող ընկերությունների 49%-ը զգալիորեն տուժել է ԱՄՆ նոր մաքսատուրքերի հետևանքով։ Այս մասին են վկայում շվեյցարական ձեռնարկությունների խոշորագույն Economiesuisse ասոցիացիայի կողմից հրապարակված ոչ ներկայացուցչական հարցման արդյունքները։

Այսպես, հարցման մասնակիցների 49%-ը նշել է, որ ԱՄՆ ներմուծման մաքսատուրքերը բացասաբար են ազդել իրենց ընկերությունների աշխատանքի վրա, ընդ որում՝ նրանց 19%-ը նշել է այդ միջոցառումների զգալի բացասական հետևանքները։ Ընդ որում՝ հարցվածների 24%-ը չի զգացել դրանց ազդեցությունը։

Հարցվածների 50%-ը արձանագրել է իր արտադրանքի պահանջարկի անկում, 31%-ը՝ տնտեսական անկում, և հարցվածների ևս 8%-ը դժգոհել է մատակարարման շղթաներում առկա խնդիրներից:

Հարցմանը մասնակցել է 94 ընկերություն և արդյունաբերության ասոցիացիա։