ՎԶԵԲ-ը համագործակցում է «Էվոկաբանկ»-ի հետ՝ Հայաստանում բիզնեսներին աջակցելու համար

Վերակառուցման և զարգացման եվրոպական բանկը (ՎԶԵԲ) և «Էվոկաբանկ»-ը մի շարք համաձայնագրեր ենստորագրել՝ Հայաստանում ձեռնարկություններին տրամադրվող աջակցությունն ուժեղացնելու և դեպի «կանաչ» տնտեսություն  երկրի անցումն արագացնելու նպատակով։

19.4 միլիոն եվրո կազմող ֆինանսավորման փաթեթն այսօր համաձայնեցվել է ֆինանսական հաստատությունների հարցերով ՎԶԵԲ-ի գործադիր տնօրեն Ֆրանսիս Մալիժի և «Էվոկաբանկ»-ի գլխավոր գործադիր տնօրեն Կարեն Եղիազարյանի միջև ՎԶԵԲ-ի 2025թ. տարեկան ժողովի և գործարար համաժողովի շրջանակում, որն անցկացվում է Լոնդոնում։ Այս համաձայնագիրը նշանավորում է ՎԶԵԲ-ի և «Էվոկաբանկ»-ի առաջին պաշտոնական գործընկերությունը։

Ֆինանսավորման փաթեթը ներառում է երեք գործիքներ․

• Մինչեւ 10 միլիոն եվրո կազմող առաջնահերթ պահանջի իրավունքով վարկ՝ միկրո, փոքր և միջին ձեռնարկությունների (ՄՓՄՁ) համար, ֆինանսավորման հասանելիությունն ընդլայնելու նպատակով՝ տեղական բիզնեսներին օգնելով աճել և բարձրացնել իրենց դիմակայությունը։
• Մինչեւ 5 միլիոն եվրո կազմող «կանաչ» ֆինանսավորման գործիք՝ ՎԶԵԲ-ի Կանաչ տնտեսության ֆինանսավորման տարածաշրջանային ծրագրի (GEFF) շրջանակում, Կանաչ կլիմայի հիմնադրամի (GCF) և Կլիմայի ներդրումային հիմնադրամների (CIF) աջակցությամբ, որը ընկերություններին կօգնի ներդրումներ կատարել կլիմայի փոփոխության հետևանքերի մեղմացման և հարմարվողականության տեխնոլոգիաներում, որոնք բարձրացնում են արտադրողականությունը և նվազեցնում շահագործման ծախսերը։
• 4.4 միլիոն եվրոյի առևտրի ֆինանսավորման գիծ՝ ՎԶԵԲ-ի՝ Առևտրի խթանման ծրագրի (TFP) շրջանակում, որի միջոցով կխթանվեն առևտրային հոսքերը և միջազգային առևտրային կապերի ամրապնդման շնորհիվ տեղական բիզնեսները հնարավորություն կունենան մուտք գործել նոր շուկաներ։