Որոշակի թերհավաքագրում ունենք հանրային տրանսպորտի ոլորտում՝ մոտ 2,3 միլիարդի. Ավինյան

Որոշակի թերհավաքագրում ունենք հանրային տրանսպորտի ոլորտում՝ մոտ 2,3 միլիարդի: Այդ մասին Երևանի քաղաքապետարանի գործակարգավարական խորհրդակցության ժամանակ ասաց քաղաքապետ Տիգրան Ավինյանը:

«Որքան էլ մեր ընդդիմադիր գործընկերները հպարտանում էին այն բոյկոտի պրոցեսով, որ կազմակերպվում էր Երևան քաղաքում տրանսպորտի վճարների տեսանկյունից, այո՛, մենք տեսնում ենք, որ այդ բոյկոտը որոշ չափով ազդել է եկամուտների վրա, բայց մարդկանց մոտ 70-80 տոկոսը պարտաճանաչ վճարում է, այսինքն՝ առանց տույժ-տուգանքների՝ ուղղակի երևանցիների իրավագիտակցությունն իրենց թույլ չի տալիս չվճարել և այդ պրոցեսին միանալ:

Ես շատ շնորհակալ եմ մարդկանց՝ իրապես հասկանալու, թե Երևանի քաղաքապետարանն ինչ է անում»,- ասաց Ավինյանը: