Moody's-ը ԱՄՆ-ին զրկել է բարձրագույն վարկային վարկանիշից

Moody's Ratings միջազգային վարկանշային գործակալությունն ԱՄՆ-ի երկարաժամկետ վարկային վարկանիշն «Aaa»-ից իջեցրել է մինչև «Aa1»՝ աճող պետական պարտքի և բյուջեի դեֆիցիտի վերաբերյալ մտահոգությունների պատճառով։

Այսպիսով, Moody's-ը վարկանշային գործակալությունների «մեծ եռյակից» վերջինն էր, որ աշխարհի խոշորագույն տնտեսությանը զրկեց ամենաբարձր վարկանիշից։ Ավելի վաղ դա արել էին S&P Global Ratings-ը և Fitch Ratings-ը։

Վարկանիշի կանխատեսումը «բացասականից» փոխվել է «կայունի»։

«Մենք ընդունում ենք ԱՄՆ-ի զգալի ուժը տնտեսական և ֆինանսական առումով, սակայն կարծում ենք, որ այդ առավելություններն այլևս լիովին չեն փոխհատուցում բյուջետային ցուցանիշների վատթարացումը»,- ասվում է Moody's-ի մամուլի հաղորդագրության մեջ։

Ամբողջությամբ՝ news.am