Լավրով. Հայաստանի հետ տնտեսական փոխգործակցության արդյունքները տպավորիչ են
Ռուսաստանը Հայաստանի տնտեսության հիմնական առևտրային գործընկերն է, ներդրողը և Հանրապետության էներգետիկ ու պարենային անվտանգության հուսալի երաշխավորը, և այս պայմանավորվածությունները լիովին ուժի մեջ են մնում։ Այս մասին Երևանում հայտարարել է Ռուսաստանի ԱԳ նախարար Սերգեյ Լավրովը։
«Համաձայն եմ միջկառավարական հանձնաժողովի ռիթմիկ աշխատանքի բարձր գնահատականի հետ, որը ուղղորդում է ՌԴ և Հայաստանի պետական, կառավարական կառույցներին ու բիզնեսին։
Անցյալ տարվա արդյունքները տպավորիչ են։ Դրանցից պետք է ելնել և շարժվել փոխշահավետ համագործակցության հետագա ընդլայնման ուղղությամբ։
ԵԱՏՄ-ն դառնում է առավել ավելի արդյունավետ և ինքնաբավ՝ ցուցաբերելով կայունություն և արդյունավետություն համաշխարհային շուկայում տուրբուլենտ իրադարձությունների ֆոնին։ Արդիական է թվում նաև ԱՊՀ հարթակում փոխգործակցության ընդլայնումը։
Խոսելով տարբեր ինտեգրացիոն կառույցների մասին՝ մենք շահագրգռված ենք, որպեսզի Հայաստանն ակտիվորեն ներգրավվի հեռանկարային գործընթացներում, որոնք ծավալվում են ինչպես ՇՀԿ շրջանակներում, այնպես էլ ԲՐԻԿՍ-ի հովանու ներքո», - հավելել է ՌԴ ԱԳ նախարարը։