Երևանի 10 մանկապարտեզում ներդրված ռոբոտաշինության փորձնական ծրագիրը կդառնա հիմնական

Երևանյան 10 մանկապարտեզներում ներդրված «Ռոբոտաշինություն» կրթական փորձնական ծրագիրն ապացուցեց արդյունավետությունն ու կդառնա հիմնական ծրագիր: Այս մասին տեղեկացնում են Երևանի քաղաքապետարանից:

Հաշվի առնելով լրացուցիչ ծանրաբեռնվածությունը՝ ծրագրով աշխատող դաստիարակները նախորդ ամիս պարգևատրվել են աշխատավարձի 100%-ի չափով: 

Առաջիկայում կմեկնարկի դաստիարակների վերապատրաստման ծրագիրը, որն իրականացնում է Երևանի քաղաքապետարանը՝ Հայաստանի ազգային պոլիտեխնիկական համալսարանի հետ համատեղ: