Թրամփի սակագնային պլանը 10 տարվա ընթացքում ԱՄՆ բյուջեի դեֆիցիտը կկրճատի 2.8 տրիլիոն դոլարով

ԱՄՆ նախագահ Դոնալդ Թրամփի զանգվածային սակագնային ծրագիրը 10 տարվա ընթացքում կնվազեցնի բյուջեի դեֆիցիտը 2.8 տրիլիոն դոլարով՝ միաժամանակ կրճատելով տնտեսությունը, բարձրացնելով գնաճը և ընդհանուր առմամբ նվազեցնելով տնային տնտեսությունների գնողունակությունը, հետևում է Կոնգրեսի բյուջետային գրասենյակի կողմից չորեքշաբթի օրը հրապարակված վերլուծությունից։

Ինչպես նշում է CBS News-ը, թվերը հրապարակվել են դեմոկրատական ​​​​կոնգրեսի ղեկավարությանը ուղղված նամակում, որտեղ բացատրվում է, թե ինչպես է Թրամփի վարչակազմի՝ աշխարհի տարբեր երկրների վրա լայնածավալ սակագներ սահմանելու ծրագիրն ազդելու ամերիկյան տնային տնտեսությունների վրա։

Վերլուծությունը կանխատեսում է, որ տնային տնտեսությունները, ի վերջո, ավելի քիչ կգնեն լրացուցիչ սակագներից տուժած երկրներից։ Բյուջետային գրասենյակը գնահատում է, որ սակագները 2025 և 2026 թվականներին կբարձրացնեն տարեկան միջին գնաճի մակարդակը 0.4 տոկոսային կետով։

Բյուջետային գրասենյակի մոդելը նաև ենթադրում է, որ գործադիր իշխանության կողմից հունվարից մինչև մայիս ամիսները հայտարարված սակագները կմնան ուժի մեջ մշտապես։

Վերլուծություն անցկացնելուց հետո դաշնային դատարանը չեղյալ է հայտարարել արտակարգ լիազորությունների մասին օրենքի համաձայն Թրամփի կողմից կիրառված բարձր սակագները։ Վերաքննիչ դատարանը թույլ է տվել Թրամփի վարչակազմին շարունակել սակագների կիրառումը, քանի դեռ գործը վերաքննիչ փուլում է։

Նյութն ամբողջությամբ՝ news.am