Մարտին Գալստյանն ընդունել է Արժույթի միջազգային հիմնադրամի հայաստանյան առաքելության պատվիրակությանը

Հունիսի 12-ին Կենտրոնական բանկի նախագահ Մարտին Գալստյանն ընդունել է Ալեքսանդր Թիմանի գլխավորած Արժույթի միջազգային հիմնադրամի հայաստանյան առաքելության պատվիրակությանը:

Հանդիպմանը ներկայացվել է առաքելության այցի նպատակը, քննարկվել ընթացիկ մակրոտնտեսական, ֆինանսական շուկայի զարգացումներն ու դրամավարկային և մակրոպրուդենցիալ քաղաքականությունները, ինչպես նաև գլոբալ ու տարածաշրջանային միջավայրից բխող հնարավոր ռիսկերն ու դրանց ազդեցությունը մակրոտնտեսական միջավայրի և ֆինանսական համակարգի վրա:

Քննարկվել է նաև Արժույթի միջազգային հիմնադրամի աջակցությամբ իրականացվող եռամյա Պահուստային ծրագրի նախապայման հանդիսացող հենանիշերի (բենչմարքների) մասով կատարման ընթացքը, ինչպես նաև ապագա համագործակցության հնարավորությունը՝ ընթացիկ ծրագրի մոտակա ավարտից հետո: