Իսպանիան մերժել է պաշտպանական ծախսերը ՀՆԱ-ի 5 տոկոսի հասցնելու՝ ՆԱՏՕ-ի առաջարկը

Իսպանիան մերժել է պաշտպանական ծախսերը ՀՆԱ-ի 5 տոկոսի հասցնելու՝ ՆԱՏՕ-ի առաջարկը, որը պաշտոնապես պետք է անդամ երկրներին ուղարկվի հաջորդ շաբաթ։ Դաշինքի գլխավոր քարտուղար Մարկ Ռյուտեին ուղղված նամակում Իսպանիայի վարչապետը այդ պահանջը որակել է «անհիմն և ոչ արդյունավետ»:

Առաջարկը շրջանառեց ԱՄՆ նախագահ Թրամփը՝ երդմնակալությունից երկու շաբաթ անց՝ պնդելով դաշնակիցները պետք է հավասարաչափ կիսեն պաշտպանության բեռը և ռազմական կարիքների համար ներդնեն ՀՆԱ-ի 5 տոկոսը։

«Մադրիդը վստահ է, որ Իսպանիայի զինված ուժերի համար ՀՆԱ-ի 2.1 տոկոսն էլ բավարար կլինի», - գրել է Պեդրո Սանչեսը։