Տեղի է ունեցել վերադարձի և վերաինտեգրման հարցերով ֆորումի 21-րդ հանդիպումը
Միասնական սոցիալական ծառայության նախաձեռնությամբ և Միգրացիոն քաղաքականության մշակման միջազգային կենտրոնի (ICMPD) հետ համագործակցությամբ՝ տեղի է ունեցել վերադարձի և վերաինտեգրման հարցերով ֆորումի 21-րդ հանդիպումը․ քննարկմանը մասնակցել են ինչպես պետական կառույցների, այնպես էլ միջազգային, հասարակական կազմակերպությունների ներկայացուցիչներ։
Հանդիպման ընթացքում պետական մարմինների, տեղական ու միջազգային կազմակերպությունների ներկայացուցիչները ներկայացրել են հարկադիր և կամավոր վերադարձողների համար իրականացվող վերաինտեգրման ծրագրերը, դրանց իրականացման ընթացքում առաջացած խնդիրներն ու ծրագրերի հետագա ընդլայնման հնարավոր շրջանակները:
Միասնական սոցիալական ծառայության պետի առաջին տեղակալ Անի Չիլինգարյանն ընդգծել է սոցիալական համագործակցության դերը՝ թիրախ խմբերի հետ դեպքի վարման շրջանակում կատարվող աշխատանքներում, ապա ներկայացրել Ծառայության կողմից նախատեսվող առաջիկա քայլերը՝ միտված կազմակերպությունների հետ համագործակցության արդյունավետության բարձրացմանը։
Միասնական սոցիալական ծառայության պետի առաջին տեղակալ Անի Չիլինգարյանն ընդգծել է սոցիալական համագործակցության դերը՝ թիրախ խմբերի հետ դեպքի վարման շրջանակում կատարվող աշխատանքներում, ապա ներկայացրել Ծառայության կողմից նախատեսվող առաջիկա քայլերը՝ միտված կազմակերպությունների հետ համագործակցության արդյունավետության բարձրացմանը։
Միգրացիայի և քաղաքացիության ծառայության պետի տեղակալ Մարիամ Գևորգյանը խոսել է ՀՀ քաղաքացիների վերադարձի և վերաինտեգրման գործընթացում կողմից իրականացվող աշխատանքների մասին և այդ համատեքստում շեշտել պետական կառույցների և կազմակերպությունների հետ համագործակցության կարևորությունը:
Հանդիպումը շարունակվել է ընթացիկ հարցերի քննարկմամբ, որի շրջանակում Ֆորումի մասնակիցները հանդես են եկել առաջարկներով ու դիտարկումներով: