Wildberries-ը Հայաստանում գործարկեց «Սակագների ձևավորիչ» ծառայությունը՝ անհատական պայմաններ տեղական տնտեսվարողին
Wildberries-ը Հայաստանում գործարկեց «Սակագների ձևավորիչ» ծառայությունը՝ անհատական պայմաններ տեղական տնտեսվարողին: Նոր գործիքը հայ ձեռնարկատերերին տալիս է ավելի մեծ ճկունություն վաճառքների կառավարման գործում և ընդլայնում է զարգացման հնարավորությունները տարածաշրջանի ամենամեծ առցանց հարթակում։
«Սակագների ձևավորիչը» (Конструктор тарифов) թույլ է տալիս միացնել միայն այն գործառույթները, որոնք համապատասխանում են տվյալ բիզնեսի նպատակներին։ Յուրաքանչյուր ակտիվացված տարբերակի համար սահմանվում է լրացուցիչ միջնորդավճար, որը գումարվում է վաճառքի հիմնական միջնորդավճարին։ Վաճառողները կարող են ընտրել ցանկացած քանակությամբ տարբերակներ՝ անգամ միայն մեկը։
Ծառայությունը միացնելու համար պետք է մուտք գործել անձնական էջ, ընտրել «Վաճառքների աճ» բաժինը, ապա՝ «Սակագների ձևավորիչ»։ Բոլոր պայմաններն ու ժամկետները ցուցադրվում են անմիջապես։ Ծառայությունն ակտիվանում է հաջորդ օրը և հասանելի է նախապես սահմանված ժամանակահատվածում։
Այս ծառայությունն առաջարկում է համագործակցության ճկուն պայմաններ, ներառյալ սուպերփաթեթների միացման հնարավորությունը՝ ծառայությունների փաթեթներ ավելի մատչելի արժեքով։ Սա հատկապես արդիական է Հայաստանի փոքր և միջին բիզնեսների համար, որոնք ձգտում են նվազեցնել ծախսերը և բարձրացնել արդյունավետությունը մարքեթփլեյսի հետ աշխատանքի ընթացքում։
«Սակագների ձևավորիչ» ծառայության գործարկմամբ Wildberries-ը ևս մեկ քայլ է կատարում հայ վաճառողներին ընդառաջ՝ նրանց տրամադրելով նոր գործիքներ ավելի մասշտաբային բիզնես կառուցելու համար։ Առաջիկայում պլանավորվում է նաև հնարավորությունների ու սուպերփաթեթների տեսակների ընդլայնում, ինչպես նաև տեղական շուկայի կարիքներին համապատասխան նոր լուծումների ներդրում։
Մանրամասները՝ Wildberries-ի պաշտոնական տելեգրամյան ալիքում ։
Այստեղ կգտնեք վերջին նորությունները Հայաստանում և միջազգային շուկաներում, էլեկտրոնային առևտրի վերլուծություններ ու միտումներ, ինչպես նաև գործնական խորհուրդներ ձեռնարկատերերի համար։