Օմսկի նահանգապետի գլխավորած պատվիրակությունն այցելել է Գագարին բնակավայրի նոր սերնդի ջերմոցային տնտեսություն

Օմսկի նահանգապետի գլխավորած պատվիրակությունն այցելել է Գագարին բնակավայրի նոր սերնդի ջերմոցային տնտեսություն

Գեղարքունիքի մարզպետ Կարեն Սարգսյանը ՌԴ Օմսկի նահանգի գործըներների հետ աշխատանքային այցով եղել է Սեւան համայնքի Գագարին բնակավայրի նորակառույց նոր սերնդի ջերմոցային տնտեսությունում։

Ջերմոցային տնտեությունը հիմնվում է ՀՀ կառավարության կողմից իրականացվող «Փոքր ու միջին ջերմատնային տնտեսությունների ներդրման պետական աջակցության» ծրագրի շրջանակներում, որտեղ պետական աջակցությունը վարկի սուբսիդավորման տեսքով կազմում է 800 միլիոն դրամ։

Ինչպես նշել է Օմսկի նահանգապետ Ալեքսանդր Բուրկովը` ողջունելի է, որ ՀՀ կառավարությունը նման չափերով աջակցում և սուբսիդավորում է նոր հիմնվող տնտեսություններին, ինչպես նաև Օմսկի գյուղատնտեսության և պարենի նախարար Նիկոլայ Վալենտինովիչի ուշադրությունը հրավիրել է օրինակ վերցնելու տեղի գործընկերներից` արտադրության ցիկլի կազմակերպման, խնդիրների լուծման և առաջադիմության առումով:

Տնտեսությունը կառուցվում է 4 հեկտարի վրա, 9 միլիոն ԱՄՆ դոլարի ներդրմամբ:

Առաջին երկու հեկտարի վրա կառուցված ջերմոցը կգործարկվի այս տարվա սեպտեմբերից, որտեղ կաճեցվեն ծաղիկներ, իսկ հաջորդ երկու հեկտարի վրա գործողը՝ 2023 թվականի հունվարի 20-ից։

Ջերմատները հագեցած են նորագույն եվրոպական սարքավորումներով և արտադրության բոլոր փուլերը` ջեռուցում, աճեցում, պարարտացում, ածխաթթու գազով հարստացում, հնարավոր հիվանդությունների կանխարգելում և այլն, կառավարվում են ավտոմատացված համակարգերի միջոցով, որոնք վերահսկվում են արտերկրի բարձրակարգ մասնագետների կողմից:

Արտադրանքը նախատեսվում է արտահանել արտերկիր, հետևաբար ռուսական շուկան լավ հնարավորություն է տնտեսությանը զարկ տալու համար:

Քննարկվել է` Գեղարքունիքի մարզը որպես բարենպաստ տարածաշրջան նման տնտեսությունների հիմնման և համագործակցության համար, որոնց ստեղծումը և՛ զբաղվածության հարց կլուծի, և՛ եկամտաբերությունը կավելացնի, ինչպես նաև արդյունաբերական գյուղատնտեսության զարգացմանը կնպաստի, եթե տնտեսությունները կոոպերացվեն, կոնսոլիդացված աշխատեն և կարողանան իրենց արտադրանքը երաշխավորված արտահանել:

Աղբյուրը՝   hy.armradio.am