Էկոնոմիկայի նախարարություն. Ի՞նչ դեր ունի գերփոքր բիզնեսը Հայաստանի տնտեսությունում
Էկոնոմիկայի նախարարությունը հրապարակում է կատարել. Վերջին շրջանում ակտիվացել են փոքր և գերփոքր բիզնեսը հարկային պարտավորություններից ամբողջությամբ ազատելու մասին հայտարարություններն ու քննարկումները։ Մասնագետների գնահատմամբ՝ նման մոտեցումները ոչ միայն իրատեսական չեն, այլև կարող են լուրջ ռիսկեր ստեղծել տնտեսության համար։
Մի քանի կարևոր փաստեր և թվեր՝ պաշտոնական վիճակագրությունից․
2024 թվականին գերփոքր ձեռնարկատիրություններն ապահովել են տնտեսական գործունեություն իրականացրած տնտեսավարողների կողմից պետբյուջե վճարման ենթակա հաշվարկված հարկերի 20.2%-ը։ 2018-2024 թվականներին գերփոքր ձեռնարկատիրությունների թիվն աճել է 68.6%-ով։ Նույն ժամանակահատվածում դրանց շրջանառությունն աճել է մոտ 4 անգամ կամ շուրջ 295%-ով։Միաժամանակ, ոլորտը հարկային պարտավորություններից ամբողջությամբ ազատելու դեպքում կարող են առաջանալ մի շարք ռիսկեր՝ ստվերային գործունեության խթանում, հարկային թափանցիկության նվազում և խոշոր բիզնեսների արհեստական մասնատում։