Օդի ջերմաստիճանը կշարունակի նվազել
«Հիդրոօդերևութաբանության և մոնիտորինգի կենտրոնի» կանխատեսումների համաձայն՝ հունիսի 23-ի և 25-ի կեսօրից հետո, 26-27-ի գիշերը և կեսօրից հետո առանձին շրջաններում, 24-ին շրջանների զգալի մասում օրվա ընթացքում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։
Քամին` հարավարևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 17-20 մ/վ արագությամբ։
Օդի ջերմաստիճանը ցերեկային ժամերին կնվազի ևս 3-4 աստիճանով։
Երևանում հունիսի 23-ի երեկոյան, 24-ի օրվա ընթացքում սպասվում է, 26-ի գիշերը, 27-ին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-18 մ/վ արագությամբ։ Հունիսի 25-ին, 26-ի ցերեկը, 27-ի գիշերը սպասվում է առանց տեղումների եղանակ։
Երևան քաղաքի հունիսի 23-ի բազմամյա կլիմայական տվյալներ.
- Օդի առավելագույն ջերմաստիճան՝ 39.5°C (2021թ.)
- Օդի նվազագույն ջերմաստիճան՝ 8.9°C (1963թ.)
- Օդի միջին օրական ջերմաստիճան՝ 22.8°C